Операциядан оңалған Канелоның келесі айқасы белгіленді

Екінші орта салмақта бұрынғы абсолют чемпион Сауль Канело Альварес (63-3-2, 29 КО) 12 қыркүйекте рингке қайта оралады, деп хабарлайды Vesti.kz.

35 жастағы мексикалық боксшы бұл шешімін Сауд Арабиясының Ойын-сауық істері басқармасының басшысы Турки әл Аш-Шейхпен кездесуі кезінде мәлімдеді.

Туркидің айтуынша, алдағы жекпе-жекте әлем чемпионы атағы сарапқа салынады. "Мексика қалған әлемге қарсы" атты бокс кеші Эр-Рияд қаласында өтеді және Канелоның жеке промоутерлік компаниясы - Canelo Promotions үшін алғашқы ірі жоба болмақ.

‼️ BREAKING: Canelo to return in September ‼️

His Excellency Turki Alalshikh announces that Canelo Alvarez will return on September 12th in a “Mexico against The World” card under his inaugural Canelo Promotions banner in Riyadh ? pic.twitter.com/d2objGc2yp

— Ring Magazine (@ringmagazine) January 15, 2026

Соңғы жекпе-жегін Канело 13 қыркүйекте өткізген еді. Ол кезде мексикалық боксшы екі салмақ жоғары көтерілген америкалық Теренс Кроуфордтан жеңіліп, екінші орта салмақтағы абсолют чемпион атағынан айырылған болатын.

2025 жылдың соңында мүлде жеңілмеген Кроуфорд (42-0, 31 КО) карьерасын аяқтады. Ал Канеломен болған жекпе-жек келісімшартында қарымта кездесу қарастырылмаған. Сол жеңілістен кейін Альварес иығына ота жасатқан болатын.