Жапониялық кәсіпқой боксшы Дайсуке Сугита (6-2, 3 КО) отандасы Риота Мурата (16-2, 13 КО) мен Геннадий Головкин (41-1-1, 36 КО) арасындағы жекпе-жекке қатысты ойын айтты, деп хабарлайды Vesti.kz.
"Головкин - ол құбыжық. Патшалардың патшасы!Бұл айқасты әсте тамашалағым келеді!" - деп жазыпты ол твиттерде.
Еске салайық, 12 қарашада Головкин - Мурата жекпе-жегі туралы ресми хабарланды. Бұл айқас Токиодағы Saitama Super аренасында 29 желтоқсанда өтіп, DAZN платформасында тарнсляцияланады.
Жеңімпаз орта салмақта IBF, IBO және WBA Super белбеулерін иеленеді.