Бокстан орта салмақта WBA Super, IBF және IBO чемпионы Геннадий Головкин аралас жекпе-жектен UFC ұйымының чемпионы болған Хабиб Нурмагомедовтің Қазақстан туралы айтқанына реакция білдірді, деп хабарлайды Tofight.ru.
Жуырда ғана Нурмагомедовке тиесілі Eagle FC лигасы 50-турнирін Нұр-Сұлтан қаласында өткізген еді.
"Кейінгі 5-6 жылда Нұр-Сұлтан қатты өзгеріпті. Бірінші рет келіп отырған жоқпын және әр келген сайын өзгеріс байқалады. Қазақстанның барлық тұрғынына сәттілік пен денсаулық", - деп жазыпты Хабиб әлеуметтік желіде.
Головкин бұл жазбаға реакция білдіріп, Нурмагомедовтің постына лайк басқан екен.
Айта кетейік, Нурмагомедов бокста әрдайым Головкинге жанкүйер екенін айтқан болатын.