Қазақстандық боксшы Нұрбек Оралбай Ливерпуль (Англия) қаласында өтіп жатқан 2025 жылғы әлем чемпионатының ширек финалында өзбекстандық Жавохир Умматалиевпен жұдырықтасты, деп хабарлайды Vesti.kz.
Жекпе-жек 80 келіге дейінгі салмақ дәрежесінде өтті. Бірінші раунд 5:0 есебімен Умматалиевтің пайдасына аяқталды. Екінші раундта Оралбай ұпай айырмасын қысқартып, 3:2 есебімен жеңіске жетті.
Осылайша, жекпе-жектің тағдыры шешуші үшінші раундта анықталды. Бұл раундта өзбекстандық боксшы төрешілердің ортақ шешімімен (5:0) басым түсіп, жартылай финалға өтті және кемі қола жүлдеге жетіп отыр.
Нұрбек Оралбай былтырғы Олимпиада ойындарының күміс жүлдегері және 2023 жылғы әлем чемпионы екенін айта кетейік.
Жарнама