Қазақстандық боксшы Нұрбек Оралбай Астанада өтіп жатқан Әлем кубогінде жартылай финалға жолдама алды, деп хабарлайды Vesti.kz.
80 келіге дейінгі салмақ дәрежесінде Оралбай ширек финалда Үндістан боксшысы Лакшия Чанармен кездесуі керек еді.
Алайда қарсыласы алған жарақатына байланысты жекпе-жектен бас тартты.
Осылайша, Нұрбек жартылай финалға жекпе-жексіз өтіп, кемі қола жүлдеге жетіп отыр.
Айта кетейік, бүгін, 3 шілдеде бұған дейін Қазақстан атынан алғашқы болып рингке шыққан Наталья Богданова (70 кг дейін) бразилиялық Барбара Мария Дос Сантосты ширек финалда айқын басымдықпен жеңіп, келесі кезеңге өтті.
Жарнама