Нокдаун болды. Төреханның кіші ӘЧ-дегі айқасы рингте дау тудырып жіберді

Қазақстандық боксшы Төрехан Сабырхан Странджа кубогі-2025 турнирінің финалына өтті, деп хабарлайды Vesti.kz.

Болгария астанасы Софяида өтіп жатқан кіші әлем чемпионаты аталып кеткен бул турнирдің жартылай фианлында Төрехан әзірбайжандық Наби Искандаровпен жұдырықтасты. 

Екеуі бір-бірін аямады

Бірінші раундта төрешілер жеңісті әзірбайжандыққа берді. Алайда екінші раундта қазақ бкосшы қарсыласын нокдаунға түсіріп, камбэк жасады. Осыдан кейінгі үшінші раунд тіптен тарысты өтті - екі боксшы бір-біріне қарсы тұрып алып соққы алмасумен болды. Екі боксшы бір-бірін аямай ұрғандықтан екеуінің де беті қызарып, ал әзірбайжандықтың көзінің асты сырылып кетті. 

Қарсылас төрешілермен келіспеді

Осылай өткен үш раунд қорытындысы бйоынша төрешілер бөлек шешіммен жеңісті Төреханға берді - 3:2.  Алайда мұндай шешім әзірбайжандық боксшыны таңдандырды, ол тіпті наразы болғандықтан Төреханның қолын алмай қойды. 

Дегенмен енді финалға өткен қазақ боксшы турнир алтынына таласуға мүмкіндік алды.