Қазақстандық боксшы Назым Қызайбай Англияның Ливерпуль қаласында өтіп жатқан бокстан әлем чемпионатының финалына өтті, деп хабарлайды Vesti.kz.
48 келі салмақ дәрежесіндегі жартылай финалда Қызайбай жасөспірімдер арасындағы турнирлердің чемпионы өзбекстандық Сабина Бобокуловамен кездескен.
Бірінші раунд Назымның пайдасына аяқталды - 5:0.
Екінші үш минуттық кезеңде төрешілер жеңісті Бобокуловаға берді - 3:2.
Шешуші раунд тағы да Қызайбайдың пайдасында болды - 4:1.
Жекпе-жек қорытындысы бойынша, Қызайбай төрешілер шешімімен жеңіске жетті.
Финалдық кездесу 14 қыркүйекте өтеді. Онда Қызайбай Үндістандық Минакши Минакши мен моңғолиялық Алтанцэцэг Лутсайхан арасындағы кездесудің жеңімпазымен жұдырықтасады.