Бокстан Бразилияда өтіп жатқан Әлем кубогында Назым Қызайбай екінші жекпе-жегін өткізді, деп хабарлайды Vesti.kz.
1/8 финалда отандасымыз поляк қызы Виктория Рогалинскамен жұдырықтасты. Алғашқы раундта Назым басымдық танытып шықты. Екінші раундта төрешілер бірауыздан қарсыласына ұпай берді.
Шешуші раундта да төрешілер қарсыласын жоғары бағалады. Нәтижесінде 4:1 есебімен Виктория жеңіске жетті. Жаңа салмақта бақ сынаған Назым жүлделі орынға іліге алмады.
Айта кетейік, бұған дейін Қазақстан құрамасы сапында Жансері Көшербаев, Дәулет Төлемісов пен Бағлан Кенжебек жарыс жолынан шығып қалған болатын. Жарысқа Қазақстан құрамасы сапында жалпы саны 16 боксшы барды.
Жарнама