Жартылай орта салмақта WBA чемпионы ресейлік Раджаб Бутаев өзбекстандық Олимпиада чемпионы Фазлиддин Гаибназаровты нокаутпен жеңді, деп хабарлайды Vesti.kz.
Бұл жекпе-жек Ресейдің Сочи қаласында өткен бокс кешінің басты оқиғасы болды. Айқас он раундқа есептелген еді, алайда үшінші раундтан кейін Гаибназаровтың командасы жекпе-жекті жалғастырудан бас тартты.
Осылайша, Бутаевқа техникалық нокаутпен жеңіс есептелді. Ол карьерасында он бесінші айқасында жеңіске жетіп отыр (12 нокаут). Сонымен қоса, Раджабтың есебінде бір жеңіліс бар.