Сауль Альварес (63-2-2, 39 KO) пен Вильям Скулл (23-1, 9 KO) арасында абсолют әлем чемпионы атағы үшін өткен жекпе-жек жанкүйерлер көңілінен шықпады, деп хабарлайды Vesti.kz.
Мұны статистика да растап отыр. Сауд Арабиясынның астанасында өткен айқаста тарихи антирекорд тіркеліпті.
CompuBox мәліметінше, Сауль мен Вильям 12 раунд ішінде бар болғаны 445 соққы жасаған (Канело — 152, Скулл — 293). Бұл – соңғы 40 жыл ішіндегі ең төменгі көрсеткіш. Дәл осы кезеңнен бастап (40 жл бұрын) бокста соққыны санаудың компьютерлік жүйесі қолданыла бастады.
Бұған дейінгі антирекорд Джозеф Паркер мен Деонтей Уайлдердің кездесуінде тіркелген — олар 12 раундта 459 соққы жасаған еді. Алайда Альварес пен Скулл олардан 14 соққы аз жасапты.
Еске салайық, Канело Скуллды төрешілер шешімімен жеңіп, екінші орта салмақта қайтадан абсолют әлем чемпионы атанды.
Жарнама