Мейвезердің әкесі МакГрегормен қарымта болатынын айтты

Бес салмақ дәрежесі бойынша бұрынғы әлем чемпионы кіші Флойд Мейвезердің (50-0, 27 КО) әкесі және бапкері Флойд Мейвезер ұлы мен UFC жұлдызы ирландиялық Конор МакГрегор арасында қарымта жекпе-жек болуы мүмкін екенін айтты, - деп хабарлайды VRinge.com.

Мейвезер мен МакГрегор арасындағы жекпе-жек 2017 жылдың 26 тамызында Лас-Вегаста өтіп, оныншы раундта техникалық нокаутпен аяқталған.

"флойд пен МакГрегор жұдырықтасатынға ұқсайды. Нақтысын білмеймін, бірақ, маған салсаң солай сияқты. Флойд қайтадан жұдырықтасатын сияқты, МакГрегор де соны қалайды. Конор мұны қаламаса да, адамдарға жұдырықтаса алатынын көрсету үшін шығады. Дегенмен оның қолынан бұл келмейді. Бұл жолы МакГрегор қайта оралуға ынтасы болмас үшін рингте құлау керек. Флойд оның бұл құлшынысын біржола құртады деген үміттемін" - дейді ол.

Сонымен бірге, ол қарымтаның бокс ережесі бойынша өтетінін нақтылады. Мұның алдында боксшы UFC-де жекпе-жек өткізіп көрмек деген сыбыстар шыққан болатын.

"Иә, сол тәсілмен. Конор жеңілісі үшін қарымтасын алғысы келеді деген ойдамын. Бірақ қолынан келмейді. Адамдар қазір мұны талқылап жатыр, бәрі бұл жекпе-жекті көргісі келетін сияқты", - дейді Мейвезер.

Айта кетейік, 7 қазанда МакГрегор UFC чемпионы ресейлік Хабиб Нурмагомедовпен жұдырықтасады. Бұл ирландиялықтың 2016 жылдан бергі сегіз бұрыштағы алғашқы жекпе-жегі болмақ.

Әлеуметтік желілерде бөлісу