Тамаша үшін ғана жекпе-жектермен қалтасын қалыңдатып жүрген америкалық әйгілі боксшы кіші Флойд Мейезер өзіне жаңа қарсылас таңдады, деп хабарлайды Vesti.kz.
46 жастағы Мейезер 30 жастағы отандасы Джон Готти үшіншімен айқасады. Ол 2002 жылы түрмеде көз жұмған АҚШ-та әйгілі мафиозидің немересі.
Бұл жекпе-жек 11 маусым Флорида штаты, Санраиз қаласындағы FLA Live аренасында өтеді.
Джон Готти үшінші ММА-де 6 жекпе-жек өткізіп, біреуінде есе жіберіпті. Сонымен қоса, кәсіпқой бокста да екі жеңісі бар екен.