Лонг-Бичте (АҚШ) өткен бокс кешінде америкалық Габриэль Росадо (27-17-1, 16 КО) кәсіпқойдағы кезекті жекпе-жегін өткізді, деп хабарлайды Vesti.kz.
Жартылай ауыр салмақта ол аргентиналық Криспуло Хавьер Андиномен (26-18-1, 12 КО) жұдырықтасып, оны бірінші раундта нокаутқа түсірді. Бұл айқас сегіз раундқа есептелген болатын.
Осылай, 39 жастағы Росадо карьерасындағы 27-ші жеңісіне жетіп отыр, сонымен бірге, ол 17 рет жеңіліп, бір мәрте тең түскені бар. Ал 36 жастағы Андино 18-ші жеңілісіне ұшырады, сонымен бірге, ол карьерасында 26 қарсыласын жеңген және бір рет түскен екен.
Росадо Қазақстан бокс жанкүйерлеріне 2013 жылдың 19 қаңтарында Нью-Йоркте (АҚШ) Геннадий Головкинге қарсы өткізген жекпе-жектен бері таныс. Сол айқастың жетінші раундында GGG Габриэльді нокаутқа түсірген.
Ал 2021 жылы Росадо өзбекстандық Бектемир Меликузиевті үшінші раундта нокаутұа түсірген болатын, бірақ, 2023 жылы Меликузиев америкалықтан есе қайтарады.