Ломаченко "Канело" Альваресті қарсылас таңдауда қулыққа басады деп айыптады
Жеңіл салмақта WBA, WBO және WBC чемпионы украиналық Василий Ломаченко мексикалық Сауль "Канело" Альваресті физикалық дайындығы мен карьерасы жығылып бара жатқан қарсыластарды таңдайды деп айыптды.
Мексикалық жартылай ауыр салмақта WBO, орта салмақта WBC Franchise және WBA Super, екінші орта салмақта WBA Regular белбеулеріне ие.
"Альварес жекпе-жектерге қызықты әрі дұрыс келеді. Оған былай қарасаң аты бар, бірақ, ТОП деңгейде емес, карьерасы құлдилап бара жатқан қарсыластар таңдалады. Екі жыл бұрын Ковалев мықты болып тұрғанда мексикалық оған жоламады. Ал енді ол Бивол және Бетербиевпен келіспеді. Ол Ковалевті таңдады - бар әлеуетін сарқыған боксшыны", - дейді Ломаченко LOMA Official TV арнасына берген сұхбатында.