Қазақстандық боксшы Сабыржан Аққалықов Англияның Ливерпуль қаласында өтіп жатқан әлем чемпионатының ширек финалына өте алмады, деп хабарлайды Vesti.kz.
75 келі салмақтағы 1/8 финал кезеңінде ол украиналық боксшы Павел Иллюшамен кездескен болатын.
Бірінші раунд төрешілердің бөлек шешімімен украиналық спортшының пайдасына аяқталды – 3:2. Екінші үш минуттықта да Павел Иллюша 4:1 есебімен басым түсті.
Тек соңғы раундта Сабыржан Аққалықов 3:2 есебімен үстемдік көрсетті. Алайда жекпе-жек қорытындысы бойынша украиналық боксшы төрешілердің бөлек шешімімен жеңіске жетті – 3:2.
Айта кетейік, бұл әлем чемпионаты алғаш рет World Boxing аясында ұйымдастырылып отыр. 4 қыркүйекте басталған жарыс 14 қыркүйекке дейін жалғасады.