Кроуфорд кетісімен P4P-дің жаңа патшасы пайда болды

Жеңіліс көрмеген америкалық боксшы Теренс Кроуфорд (42–0, 31 KO) кәсіпқой карьерасын аяқтау туралы шешім қабылдады, деп хабарлайды Vesti.kz.

Кроуфордтың бокстан кетуіне байланысты салмақ дәрежесіне қарамастан әлемнің ең үздік боксшылары (P4P) рейтингінде өзгеріс болды. vRINGe нұсқасы бойынша енді жаңа көшбасшы украиналық Александр Усик (24–0, 15 KO).

Өкшелеп келе жатқандар мен топ-10-дағы жаңа есімдер

Усикке ең таяу тұрғаны - екінші жеңіл салмақтағы абсолют әлем чемпионы жапониялық Наоя Иноуэ (31–0, 27 KO).

Алғаш рет рейтингтің алғашқы үштігіне бұрынғы жартылай ауыр салмақтағы абсолют әлем чемпионы, ресейлік Дмитрий Бивол (24–1, 12 KO) енді.

Сондай-ақ WBC тұжырымы бойынша жартылай ауыр салмақтағы әлем чемпионы, америкалық Давид Бенавидес (31–0, 25 KO) қайтадан топ-10 қатарына оралды.

vRINGe нұсқасы бойынша P4P ТОП-10 рейтингі:
Александр Усик (24–0, 15 KO)
Наоя Иноуэ (31–0, 27 KO)
Дмитрий Бивол (24–1, 12 KO)
Джесси Родригес (23–0, 16 KO)
Артур Бетербиев (21–1, 20 KO)
Дзунто Накатани (31–0, 24 KO)
Сауль «Канело» Альварес (63–3–2, 39 KO)
Девин Хэйни (33–0, 15 KO)
Шакур Стивенсон (24–0, 11 KO)
Давид Бенавидес (31–0, 25 KO).