Америкалық журналист Джек Маккаферри Vesti.kz тілшісіне берген сұхбатында қазақстандық Геннадий Головкиннің (42-2-1, 37 KO) болашағына қатысты ойын айтты.
"Бәрі Головкин өзін қалай сезінетініне байланысты. Кейінгі жекпе-жектерінде оның қалай баяулап қалғаны байқалды. Дегенмен ол орта салмақтағы мықты боксшы. Егер қаласа, ол чемпиондық белбеулерді де жинай алады. Бірақ бір жыл төбе көрсетпеді.
Егер ол қоштасу айқасын ұйымдастырғысы келсе, Қазақстанда өткізгені тамаша болады. Мұндай деңгейдегі боксшы өзінің қалауы бойынша жұдырықтаса алады. Қарсылас ретінде кез келген боксшыны таңдай алады. Головкинмен жекпе-жек болашағы зор жас боксшылардың да, чемпиондардың да мақсаты", - дейді Маккаферри.