"Келесі мақсатым". "Канело" Альварес Головкинмен жекпе-жекке қатысты мәлімдеме жасады

Екінші орта салмақта WBC, WBA Super чемпионы мексикалық Сауль "Канело" Альварес (55-1-2, 37 КО) орта дивизионда IBF және IBO титулдарына ие қазақстандық Геннадий Головкинмен (41-1-1, 36 КО) міндетті түрде жекпе-жек өткізетінін мәлімдеді. 

Алдымен "Канело" басты мақсатын орындамақ - әлемнің абсолют чемпионы атану.

"Суперорта салмақта белбеулерді алған соң Головкин және Бенавидеспен жұдырықтасуға дайынмын ба? - Иә, әрине! Неге болмасқа? Қазіргі мақсатыма жеткен соң, бұл айқастар келесі мақсатым болмақ. Қалай болатынын білесіздер ме? Маған бұрын Каллум Смитпен айқастан қашып жүрсің деп жиі айтатын. Ал оны сабағаннан кейін, ол бұрын ойлағандай мықты емес екен дей бастады. Мәселенің бәрі онда емес, мәселенің бәрі қарсыласта емес шығар? Мүмкін олар маған қарсы тұрғандықтан мықты болмай қалды?", - деп береді Альварестің сөзін vRINGe.com порталы BoxingNews24 басылымына сілтеме жасап.