Шри-Ланканың Коломбо қаласында өтіп жатқан 22 жасқа дейінгілер арасындағы Азия чемпионатында жартылай финалдық жекпе-жектер өтті, деп хабарлайды Vesti.kz.
Төрт нокаут бес жеңіс және бір жеңіліс
Қазақстанның атынан рингке шыққан ерлер құрамасының алты боксшысының төртеуі қарсыластарын мерзімінен бұрын жеңіп, финалға жолдама алды.
Мұхит Нұрқабылұлы (63,5 кг) Сауд Арабиясынан келген Зияд Аль-Шехриді екінші раундта техникалық нокаутпен жеңіп, финалға өтті.
Оның жеңісті жолын Сұлтан Турдалы (67 кг) жалғастырды. Ол да Сауд Арабиясының боксшысы Раян Аваджиді екінші раундта техникалық нокаутпен жеңді.
75 келіге дейінгі салмақта Жасұлан Бердалы жергілікті боксшыны бірінші раундта нокаутқа түсірді.
Ал Игорь Соловьев (80 кг) бейтарап IBA командасының боксшысы Абишек Сингхті екінші раундта техникалық нокаутпен жеңіп, финалға жолдама алды.
+92 кг салмақта Бексұлтан Қайратұлы Біріккен Араб Әмірліктері атынан жұдырықтасатын Орхан Ағаевты төрешілердің бөлек шешімімен жеңіп, финалға шықты.
Ал Нұрсұлтан Қыстаубай (86 кг), өкінішке қарай, жартылай финалда Қырғызстандық Азірет Автандиловтан жеңіліп, жарысты аяқтады.
Жарнама