Польшаның Кельц қаласында жастар арасында бокстан әлем чемпионаты басталды. Жарыстың бірінші күні 56 келіге дейінгі салмақта қазақстандық Ерболат Сабыр венгриялық Герго Жаразды жеңді,- деп хабарлайды Vesti.kz.
Ерболат жекпе-жекте 5:0 (30:25, 30:25, 30:24, 30:27, 30:25) есебімен жеңіске жетті, сонымен қоса, ол қарсыласын бірінші және үшінші раундта нокдаунға түсірген.
Осылайша, Ерболат турнирдің 1/8 финалына шығып отыр.
Еске салайық, бұл жарысқа Қазақстан құрамасынан 20 боксшы аттанды - он бозбала мен он бойжеткен.