Қазақстан Кәсіпқой бокс федерациясының президенті Рахымжан Ерденбеков елдегі ең жарқын жас таланттардың бірі - Төрехан Сабырханның болашағына қатысты пікір білдірді, деп хабарлайды Vesti.kz.
Төрехан қашан кәсіпқойға өтеді?
Федерация басшысының айтуынша, жас спортшы кәсіпқойға байыппен дайындалып жүр және әуесқой бокстан кету ниетін ашық айтқан.
"Иә, ол өткісі келеді. Бір олимпиадалық циклды өтуді жоспарлап отыр. Бірақ мен оған мүмкіндік болса, екі цикл өткен дұрыс дедім. Мен оны бақылап жүрмін - талантты, қиындықтан қорықпайды. Бұл кәсіпқой ринг үшін жаратылған боксшы", - деді Ерденбеков YouTube-тағы Aqyrys Seitqazy арнасына берген сұхбатында.
Сабырханның бірегей жетістіктері
Төрехан Сабырхан - жасөспірімдер мен юниорлар арасында Азияның төрт дүркін чемпионы. Бұл құрлықтық бокс тарихындағы сирек кездесетін жетістік. 2025 жылдың қыркүйегінде ол World Boxing нұсқасы бойынша әлем чемпионы атанып, халықаралық аренадағы жоғары деңгейін дәлелдеді.
Кәсіпқой рингтегі алғашқы қадам
2025 жылдың сәуірінде Сабырхан кәсіпқой бокста сәтті дебют жасады. Ол чехиялық боксшы Иржи Хауке үшінші раундта нокаутпен жеңді.
2026 жылы Испанияда өткен Boxam Elite 2026 турнирінде Сабырхан алтын жеңіп алып, сарапшылар тарапынан жарыстың үздік боксшысы атанды. Бұл оның кәсіпқой бокстағы болашағына деген сенімді одан әрі күшейтті.
Жарнама