Бокстан Қазақстан құрамасы қатысатын 2025 жылғы World Boxing Кубогінің финалдық кезеңінің қатысушылары толық белгілі болды, деп хабарлайды Vesti.kz.
Маусымның шешуші турнирінде төрт құрлықтан 18 команда бақ сынайды.
"Кубок финалы ерекше әсер мен тартысқа толы болмақ - әлемнің түкпір-түкпірінен келген ең үздік олимпиадалық боксшылар даңқ пен ұлттық абырой үшін рингке шығады. Көрермендерді мықты жекпе-жектер, эмоциялық сәттер және нағыз спорттық драма күтіп тұр", - делінген ұйымның хабарламасында.
Финалға қатысатын елдер тізімі: Қазақстан, Өзбекстан, Аустралия, Жапония, Аустрия, Қытайлық Тайбэй, Қырғызстан, Англия, Нигерия, Финляндия, Польша, Германия, Оңтүстік Корея Республикасы, Үндістан, Испания, Иран, Украина және Италия.
World Boxing Cup-2025 финалдық кезеңі 15–23 қараша аралығында Үндістан астанасы Нью-Дели қаласында өтеді.
Жарнама