24 жастағы Ахмедов 12 раундқа есептелген жекпе-жектің 44 секундында америкалық Эндрю Эрнандесті нокаутқа түсірді. Осылайша, қазақстандық боксшы WBC International Silver белбеуін қорғап қалды.
Бұл жетістік арқасында Ахмедов екінші орта салмақтағы BoxRec рейтингінде 60-шы орынға көтерілді.
Олардың жекпе-жегі Нью-Йорктегі Madison Square Garden аренасындағы бокс кешінің андеркартасындағы бесінші кездесу болды. Шоудың басты оқиғасында қазақстандық Геннадий Головкин мен украиналық Сергей Деревянченко IBF және IBO белбеулер үшін жұдырықтасты.