Қазақстандық боксшы Евгений Павлов (11-0, 8 КО) жақын арада кәсіби рингке қайта оралады, деп хабарлайды Vesti.kz.
Жекпе-жек күні белгілі болды
BoxRec.com дерегіне сәйкес, қазақстандық боксшының келесі айқасы 18 шілде күні АҚШ-тың Мэриленд штатындағы Хановер қаласында өтеді. Әзірге қарсыласының есімі жарияланған жоқ.
Соңғы жекпе-жегі қалай өтті?
Еске салайық, 25 сәуірде Евгений Павлов Балтиморда өткен бокс кешінде америкалық Антонио Дантон Эл-кішісімен (6-6-2, 2 КО) қолғап түйістірген болатын. Алты раундқа созылған жекпе-жекте қазақстандық боксшы төрешілердің бірауыздан шешімімен жеңіске жеткен еді.
Бұл кездесу Павлов үшін 2023 жылдан кейінгі кәсіби мансабындағы алғашқы жекпе-жек болды. Осылайша Евгений Павлов жазда өтетін келесі айқаста жеңісті сериясын жалғастыруды көздеп отыр.
Жарнама