Қазақстандық Алуа Балқыбекова Жапонияда өтіп жатқан 2026 жылғы Азия ойындарының финалына жете алмады, деп хабарлайды Vesti.kz.
51 келіге дейінгі салмақ дәрежесінде өткен жартылай финалда ол вьетнамдық Нгуен Тхи Тамға 0:5 есебімен жол берді. Осылайша, Балқыбекова елге қола жүлдемен оралады.
Айта кетейік, Алуа 2025 жылғы World Boxing және IBA нұсқалары бойынша әлем чемпионы, сондай-ақ Азияның екі дүркін чемпионы (2021, 2022).
Бүгін Қазақстан атынан тағы үш боксшы өнер көрсетеді:
1/2 финал
10:15. 75 келі: Наталья Богданова - Ловлина Боргохаин (Үндістан);
10:30. 55 келі: Махмұд Сабырхан - Карло Паалам (Филиппин);
11:00. 70 келі: Төрехан Сабырхан - Шавкатджон Болтаев (Өзбекстан).
Айти мен Нагояда өтіп жатқан Азия ойындарындағы бокс жарыстары 21 қыркүйекте басталып, 2 қазанға дейін жалғасады.