Қазақстандық кәсіпқой боксшы Руслан Мадиевтің (19-2-1, 7 КО) келесі жекпе-жегінің өтетін күні мен орны белгілі болды, деп хабарлайды Vesti.kz.
Мадиев рингке 25 шілде күні Алматы қаласында оралады. Ол Балуан Шолақ атындағы Спорт сарайында өтетін бокс кешінде өнер көрсетеді. Турнир Али Ахмедовтың промоушені аясында ұйымдастырылады.
Әзірге Мадиевтің қарсыласының есімі жарияланған жоқ.
Айта кетейік, 25 шілдеде Алматыда өтетін бокс кешінің басты оқиғасы Али Ахмедовтың (25-2, 17 КО) жекпе-жегі болмақ. Оның қарсыласы да әзірге белгісіз.
Руслан Мадиев соңғы кездесуін 4 сәуір күні Таиландтың Бангкок қаласында өткізді. Сол жекпе-жекте ол франциялық Флоран Дервиді (14-4, 10 КО) жетінші раундта техникалық нокаутпен жеңіп, жартылай орта салмақтағы WBA Asia чемпионы атағын қорғап қалған еді.
Жарнама