Бүгін, 28 мамыр Бангкокта (Таиланд) Париж Олимпиадасына соңғы іріктеу турнирінің кезекті жарыс күні өтеді, деп жазады Vesti.kz.
Рингке Қазақстан атынан екі боксшы шығады. Күндізгі сессияда 63,5 келіде өнер көрсететін Мұхаммедсабыр Базарбайұлы 1/16 финалда түркиялық Мизан Айколмен жұдырықтасады. Бұл жекпе-жек шамамен 11:45-те басталады.
Кешкі сессияда Ұлжан Сәрсенбек (54 келі) 1/16 финалда америкалық Шера Мэй Патрисиомен жекпе-жек өткізеді. Бұл айқастың басталуы 16:45.
Жекпе-жектерді Қазақстан бокс федерациясының Instagram аккаунтынан тікелей тамашалауға болады.