Қазақстандық боксшылар Парижге соңғы лицензиялар ойнатылатын жарысқа аттанды

Бокстан Қазақстан құрамасы Париж Олимпиадасына соңғы лицензиялар ойнатылатын Таиландтағы іріктеу турниріне ұшып кетті.

Бұл жарыс 24 мамыр мен 2 маусым аралығы Бангкокта өтеді. Оған ерлерден 1 және 4 бұрымды боксшымыз қатысады.

Олар: 63,5 келіде Мұхаммедсабыр Базарбайұлы. Ал бұрымдылардан Назым Қызайбай (50 келі), Ұлжан Сәрсенбек (54 келі), Наталья Богданова (66 келі) және Валентина Хальзова (75 келі).

Айта кетейік, бұған дейін бокстан Олимпиада жолдамалары Ханчжоудағы Азия ойындарында және Бусто-Арсициодағы турнирде таратылған еді.