Қазақстандық боксшы Бақыт Сейдіш Моңғолия астанасы Ұлан-Батырда өтіп жатқан бокстан Азия чемпионатының күміс жүлдегері атанды, деп хабарлайды Vesti.kz.
70 келіге дейінгі салмақтағы финалда оған жастар арасындағы әлем чемпионы әрі Әлем кубогының иегері – үндістандық Арундхати Чоудхари қарсы тұрды.
Алғашқы раунд Сейдіштің пайдасына шешілді – 3:2. Алайда қалған екі раундта үндістандық боксшы басымдық танытып, 5:0 және 4:1 есебімен жеңіске жетті. Нәтижесінде жекпе-жек төрешілердің бөлек шешімімен Чоудхаридің пайдасына (4:1) аяқталды.
Айта кетейік, бүгін, 9 сәуірде тағы екі қазақстандық боксшы – Надежда Рябец (80 келіге дейін) пен Дина Исламбекова (80 келіден жоғары) финалдық жекпе-жектерін өткізеді.
World Boxing ұйымының қолдауымен өтіп жатқан Азия чемпионаты 10 сәуірде аяқталады.