Қазақстандық боксшы қыз Әлем кубогының финалына шықты

Бокстан ұлттық құрама боксшысы Виктория Графеева Бразилиядағы Әлем кубогының финалына шықты, деп хабарлайды Vesti.kz. 

60 келіге дейінгі салмақ дәрежесінде қазақстандық боксшы польшалық Анета Элзивета Рыгельскамен жұдырықтасты. Жекпе-жек қорытындысы бойынша Виктория Графеева төрешілердің бірауыздан қабылдаған шешімімен жеңіске жетіп, финал жолдамасын иеленді.

Айта кетейік, World Boxing Кубогы бірінші кезеңі 20–26 сәуір аралығында өтуде. Қазақстан бұл турнирге 16 боксшыны алып барған болатын.