Қазақстандық боксшы Назерке Серік Испанияның Ла-Нусия қаласында өтіп жатқан Boxam Elite турнирінде ширек финалға жолдама алды, деп хабарлайды Vesti.kz.
65 келіге дейінгі салмақ дәрежесінде өткен 1/8 финалда ол швейцариялық Анна Дженнимен жұдырықтасты.
Жекпе-жек қазақстандық спортшының басымдығымен өтті - 5:0, 5:0 және 3:2. Нәтижесінде Назерке Серік төрешілер шешімімен жеңіске жетті.
Айта кетейік, бұған дейін турнирден Сымбат Әлиасқар (54 кг), Шахназ Исаева (57 кг), Аяжан Ермек (60 кг) және рингке Назеркеден кейін шыққан Әсем Таңатар (65 кг) бірінші айқастарында жеңіліп, жарысты аяқтады.
Жарнама