Қазақстандық аңыз боксшы ӘЧ-де үндістандық қарсыласын тас-талқан етті

Қазақстандық боксшы Теміртас Жүсіпов IBA Дубайда (БАӘ) өткізіп жатқан әлем чемпионатының 1/4 финалына өтті, деп хабарлайды Vesti.kz.

48 келіге дейінгі салмақта өнер көрсететін Теміртастың 1/8 финалдағы қарсыласы үндістандық Девендра Сингх Соланки болды. Бұл жекпе-жекте Жүсіпов 4:0 есебімен жеңіске жетті.

37 жастағы Жүсіпов – қазақ әуесқой боксының аңызы. Ол – әлем чемпионы (2021) және Азия чемпионы (2013, 2019), сондай-ақ WSB сериясының чемпионы (2015), Әлемдік әскери ойындардың чемпионы (2019) және әскери қызметшілер арасындағы әлем чемпионатының жеңімпазы (2021). Сонымен қатар, бірнеше рет ұлттық чемпионатты жеңіп алған.