Коточигова - Клавьеро жекпе-жегі 16 желтоқсан Балуан Шолақ атындағы спорт сарайында өтетін бокс кешінің басты оқиғасы болады. Бұл кездесуде қазақстандық WBC International белбеуін қорғайды.
"Қазақстанда алғаш жұдырықтасамын. Бұл елде мықты боксшылар көп екенін білемін. Ең ұлылардың бірі - Геннадий Головкин. Қарсыласым тамаша көрінеді. Мүлде жеңілмеген және титулы бар. Елдеріңізде ұлттық мереке тойланатынын естідім. Бұл қарсыласыма қосымша ынта береді. Бірақ мен тек жеңіс үшін барамын. Қиын болады, алайда, мен боксымды көрсетіп, Қазақстанды дүр сілкіндіруге дайынмын", - дейді Клавьеро.