Бокстан Қазақстанның әйелдер құрамасы Әлем кубогі алдында Алматы облысында оқу-жаттығу жиындарын өткізіп жатыр, деп хабарлайды Vesti.kz.
World Boxing жаңа бокс ұйымы аясындағы турнирдің бірінші кезеңі Бразилияда 30 наурыз бен 6 сәуір аралығы өтеді.
Қыздар құрамасы бұл жарысқа келесі құрамда барады: Жазира Орақбаева (51 кг), Анита Адишева (54 кг) және Ұлжан Сәрсенбек (57 кг).
Бұған дейін Әлем кубогіне қатысатын Қазақстан мен Өзбекстанның ерлер құрамы белгілі болды.
Турнир жалпы үш кезеңнен тұрады, оның бірі Қазақстанда өтеді
Жалпы World Boxing турнирі үш кезеңмен өтеді. Біріншісі 30 наурыз бен 6 сәуір аралығы Бразилияда өтеді, екіншісі 30 маусым мен 7 шілде аралығы Қазақстанда болады, ал соңғы үшінші кезең - шілденің 21 мен 27 аралғына жоспарланған. Өтетін орны әлі белгіленген жоқ.
Жарнама