Қазақстандық боксшы Дәулет Төлемісов IBA Дубайда (БАӘ) өткізіп жатқан әлем чемпионатының 1/4 финалына өте алмады, деп хабарлайды Vesti.kz.
86 келіде жұдырықтасатын Дәулеттің 1/8 финалдағы қарсыласы Өзбекстан боксшысы Акмалжон Исроилов болды.
Жекпе-жек Исроиловтың жеңісімен аяқталды. Сонымен қатар, Төлемісовке бірінші және екінші раундтарда екі рет нокдаун есептелді.
Еске салайық, 1/16 финалда қазақстандық боксшы бразилиялық Рамон Батальего Соузаны төрешілердің бірауыздан қабылданған шешіммен жеңген еді.