Қазақстандық боксшы Жәзира Орақбаева София қаласында (Болгария) өтіп жатқан "Странджа кубогі"-2026 турниріндегі 1/8 финалдық жекпе-жегін өткізді, деп хабарлайды Vesti.kz.
51 келіге дейінгі салмақта оның қарсыласы - 2025 жылғы әлем чемпионатының қола жүлдегері Феруза Казакова (Өзбекстан) болды.
Бірінші раундта бес төрешінің барлығы 10:9 есебімен басымдықты Казаковаға берді. Екінші үш минуттық кезең де дәл осындай есеппен өзбекстандық спортшының пайдасына аяқталды. Үшінші раундта тәжірибелі қарсылас кездесудің тағдырын өзгертуге мүмкіндік бермей, жекпе-жекті сенімді түрде аяқтады - 5:0.
Осылай, Орақбаева жарысты аяқтады, ал өзбекстандық боксшы келесі кезеңге өтті.
Жарнама