Бангкок қаласында (Таиланд) өтіп жатқан жастар арасындағы Futures Cup (U-19) халықаралық турнирінде Қазақстан мен Өзбекстан боксшылары арасында кездесу өтті, деп хабарлайды Vesti.kz.
1/16 финал аясында 51 келіге дейінгі салмақта қазақстандық Айым Тәнкібаева өзбекстандық Назокат Мардоновамен қолғап түйістірді.
Жекпе-жек нәтижесінде Мардонова 5:0 есебімен сенімді жеңіске жетті. Екінші раундта төреші Танкибаева нокдаунға түсті.
Айта кетейік, World Boxing ұйымдастырып отырған U-19 санатындағы Futures Cup турнирі алғаш рет өткізіліп жатыр. Қазақстан бұл жарысқа 19 боксшыны жіберген. Турнир 15 наурызға дейін жалғасады.
Еске салайық, Айым Тәнкібаева 2025 жылы дәл осы Бангкок қаласында өткен U‑19 Азия чемпионатында қола жүлдегер атанған болатын.
Жарнама