Бокстан Қазақстан құрамасының капитаны Айбек Оралбай Астанада өтіп жатқан World Boxing аясындағы Әлем кубогінде екінші жекпе-жегін өткізді, деп хабарлайды Vesti.kz.
90 келідені жоғары салмақтағы 1/4 финалда ол Париж-2024 Олимпиадасының қатысушысы, кәсіпқой бокста нокаутпен екі жеңісі бар Италия боксшысы Диего Ленциге қарсы жұдырықтасты.
Жекпе-жек үш раунд толық өтіп, төрешілер 4:1 есебімен жеңісті Айбектің есебіне жазды. Айта кетейік, үшінші раундта Айбектен бір ұпай шегерілді, ал италиялық боксшы нокдаунға түскен еді.
Осылайша, Айбек жартылай финалға өтіп, кем дегенде қола жүлдені иеленіп отыр.
Жарнама