Қазақстандық боксшы Виктория Графеева Жапонияда өтіп жатқан 2026 жылғы жазғы Азия ойындарында алғашқы жекпе-жегін өткізді. Оның қарсыласы Париж-2024 Олимпиадасының чемпионы, Қытай Тайбэйінің өкілі Линь Юй-тин болды, деп хабарлайды Vesti.kz.
60 келіге дейінгі салмақта өткен жекпе-жекте төрешілер шешімімен Линь Юй-тин жеңіске жетті.
Графеева үшін бұл 2026 жылы атақты қарсыласымен өткізген екінші жекпе-жек болды. Бұған дейін қазақстандық боксшы әлем кубогінің финалында Линь Юй-тинмен кездесіп, Олимпиада чемпионын нокдаунға түсіріп, жеңіске жеткен еді.
Линь Юй-тин бұған дейін Халықаралық бокс қауымдастығының (IBA) боксшының жарыстарға қатысу мәселесін қарастырған болатын. Кейін World Boxing ұйымы боксшының әйелдер арасындағы турнирлерге қатысуына рұқсат берді.
Осылайша, Қазақстанның бокс құрамасынан Азия ойындарында төртінші боксшысы жарыстан шығып қалды. Бұған дейін Оразбек Асылқұлов (60 келіге дейін), Сабыржан Аққалықов (80 келіге дейін) және Назым Қызайбай (54 келіге дейін) бірінші айқастарында жеңілген.
Жарнама