Қазақстан бокстан әлем кубогіне ең мықты құрам жасақтады

Бокстан Қазақстанның ерлер құрамасының бас бапкері Қайрат Сәтжанов Астанада өтетін Әлем кубогының кезеңіне қатысатын боксшылар тізімін жариялады, деп хабарлайды Tengri Sport.

Бұл жарысқа ең мықтылар қатысады

30 маусым мен 7 шілде аралығында Астанада World Boxing ұйымының аясында Әлем кубогының кезеңі өтеді. Қазақстан бокс федерациясының жылдық конференциясы кезінде Қайрат Сәтжанов Tengri Sport тілшісіне турнирге қатысатын боксшылардың алдын ала жасалған тізімін айтты.

Бапкердің айтуынша, жарысқа елдің үздік боксшылары, соның ішінде 2024 жылғы Олимпиаданың күміс жүлдегері Нұрбек Оралбай қатысады.

"Әлем кубогына негізгі құрам шығады. Құрамадағы бірінші нөмірлі боксшылар. Алдын ала тізім мынадай: 50 кг – Санжар Тәшкенбай, 55 кг – Махмұт Сабырхан, 60 кг – Серік Теміржанов, 65 кг – Ертуған Зейнуллинов, 70 кг – Абылайхан Жүсіпов, 75 кг – Сабыржан Аққалықов, 80 кг – Нұрбек Оралбай, 85 кг – Бекзат Нұрдәулетов, 90 кг – Сағындық Тоғамбай, 90+ кг – Айбек Оралбай", – деді Сәтжанов.

©️ Tengrinews.kz /Николай Пичененко

Халықаралық аренада жеткен кейінгі жетістік

Еске салсақ, Қазақстанның ерлер құрамасы соңғы ірі жетістіктерге "Странджа кубогі" атты халықаралық турнирінде жеткен болатын. Бұл турнир бейресми түрде "кіші әлем чемпионаты" деп аталады. Ұлттық құрама бұл жарыста үздік команда деп танылып, 5 алтын, 9 күміс, 4 қола – жалпы 18 медаль жеңіп алды.

Алтын жеңіп алғандар:

Ертуған Зейнуллинов (63,5 кг)
Төрехан Сабырхан (67 кг)
Абылайхан Жүсіпов (71 кг)
Сабыржан Аққалықов (75 кг)
Бекзат Нұрдәулетов (86 кг)

Күміс жүлдегерлер:

Даниял Сәбит (51 кг)
Тимур Қабдешов (54 кг)
Серік Теміржанов (60 кг)
Мұхаммедсабыр Базарбайұлы (63,5 кг)
Фарух Тоқтасынов (71 кг)
Тимур Нұрсейітов (75 кг)
Ерасыл Жәкпеков (80 кг)
Нұрбек Оралбай (86 кг)
Айбек Оралбай (92+ кг)

Қола жүлде иегерлері:

Теміртас Жүсіпов (48 кг)
Оразбек Асылқұлов (57 кг)
Талғат Сырымбетов (60 кг)
Данияр Рахымбердинов (92 кг).

Нұрбек қазіргі таңдағы ең мықты боксшы

Нұрбек Оралбай — Қазақстанның әуесқой боксшысы, ауыр салмақ дәрежесінде өнер көрсетеді. Қазақстан ұлттық құрамасының мүшесі, Қазақстан Республикасының еңбек сіңірген спорт шебері. 2024 жылғы Париж Олимпиадасының күміс жүлдегері (80 кг). Олимпиада финалында украиналық Александр Хижнякпен жұдырықтасып, төрешілердің бөлек шешімімен жеңілді.