Қазақстанның бұрымды боксшысы Нұржанат Бекназар Ташкентте (Өзбекстан) өтіп жатқан 15 және 17 жасқа дейінгі спортшылар арасындағы бокстан Азия чемпионатының екінші жарыс күнінде сәтті өнер көрсетті, деп хабарлайды Vesti.kz.
37 келіге дейінгі салмақ дәрежесінің 1/4 финалында ол Қырғызстан боксшысы Адеми Ибишовамен кездесті. Бірінші раундтың өзінде қазақстандық спортшы қарсыласын екі рет нокдаунға түсірді. Осыдан кейін төреші жекпе-жекті тоқтату туралы шешім қабылдады.
Осылайша, Нұржанат Бекназар техникалық нокаутпен жеңіске жетіп, жартылай финалға жолдама алды. Сонымен қатар, ол кемі қола жүлдеге ілігіп отыр.