Қазақстан боксшысы АЧ алтыны үшін айқаста өзбек қарсыласын жеңді

Қазақстандық боксшы Надежда Рябец Моңғолия астанасы Ұлан-Батырда өтіп жатқан Азия чемпионатында алтын жеңіп алды, деп хабарлайды Vesti.kz.

80 келіге дейінгі салмақтағы финалда Рябец Өзбекстан боксшысы Рухшона Парпиевамен кездесті.

Алғашқы раунд қазақстандық спортшының пайдасына аяқталды - 5:0. Екінші және үшінші раундтар да дәл осылай Рябецтің басымдығымен өтті.

Қорытындысында Надежда Рябец финалда төрешілердің ортақ шешімімен, ешбір күмәнсіз таза жеңіске жетті.