Таиланд астанасы Бангкок қаласында 22 жасқа дейінгі боксшылар арасында өткен 2025 жылғы жастар арасындағы Азия чемпионаты аяқталды, деп хабарлайды Vesti.kz.
Қазақстан құрамасы жалпы тоғыз жүлде жеңіп алды: бес алтын және төрт күміс.
Қыздар арасында Азия чемпиондары атанған:
Гүлназ Бөрібаева (48 кг) мен Бақыт Сейдіш (70 кг).
Ерлер арасында финалда жеңіске жетіп, алтын иеленгендер:
Нұрислам Қалдыбаев (60 кг), Санжаралы Бегалиев (80 кг) пен Темірлан Мұқатаев (90 кг) болды.
Осы нәтижемен Қазақстан жалпыкомандалық есепте екінші орынды иеленді.
Жүлделік кестенің көшбасында - Өзбекстан. Бұл елдің боксшылары 18 жүлде жеңіп алды: 8 алтын, 6 күміс және 4 қола.
Үздік үштікке Қытай кірді - 3 алтын және 4 қола.