Қазақстандық боксшы Нұрислам Қалдыбаев Бангкокта (Таиланд) өтіп жатқан жастар арасындағы Азия чемпионаты-2025 (U-19 және U-22) турнирінің жартылай финалына өтті, деп хабарлайды Vesti.kz.
60 келіге дейінгі салмақ дәрежесіндегі ширек финалдық жекпе-жекте Қалдыбаев Қырғызстан боксшысы Азизбек Ходжаевты ұпай санымен жеңді.
Жартылай финалға жолдама Қалдыбаевқа кемі қола жүлдеге жеткізіп отыр.
Бұған дейін Қазақстан құрамасының бір айқасы нокдаунмен аяқталып, этникалық қазақ спортшы ел құрамасын құрлықтық турнир жүлдесінен айырған болатын.
Бүгін рингке тағы жеті қазақстандық боксшы шығады.
Жарнама