Қазақ-өзбек боксшылары арасындағы алғашқы кездесу даулы нәтижемен аяқталды

Бахрейнде өтіп жатқан үшінші Жасөспірімдер арасындағы Азия ойындарында боксшылардың финалдық жекпе жегі басталды, деп хабарлайды Vesti.kz.

60 келіге дейінгі салмақ дәрежесінде алтын медаль үшін қазақстандық Арман Мырсабит пен өзбекстандық Абдуғани Ёркинжонов күш сынасты.

Бірінші раундта барлық төреші есебі бойынша (10:9) басымдық өзбек боксшысына берілді. Ал екінші раундта Арман Мырсабит 3:2 есебімен үстем түсті.

Арман шабуылда ширақ, қорғаныста мығым көрінгенмен, жеңіс Ёркинжоновқа берілді (29-28, 29-28, 29-28, 29-28, 28-29). 

Осылайша Арман Мырсабит Азия ойындарының күміс жүлдегері атанды.