Қазақстандық кәсіпқой боксшы Рай Сейітжановтың (12-1, 8 КО) келесі жекпе-жегі белгіленді, деп хабарлайды Vesti.kz.
BoxRec порталының мәліметінше, 26 жастағы спортшы 4 ақпанда Ресейдің Челябі қаласында өтетін бокс кешінде шаршы алаңға шығады. Оның қарсыласы - жеңіліс көрмеген ресейлік боксшы Иван Козловский (12-0, 4 КО).
Жекпе-жек он раундқа жоспарланған. Кездесуде бірінші жартылай орта салмақтағы Еуразиялық бокс парламенті (EBP) нұсқасы бойынша чемпиондық белбеу сарапқа салынады.
Бұл айқас Рай Сейтжанов үшін 2025 жылдың қыркүйегінен бергі алғашқы жекпе-жек болмақ. Бұған дейін ол Екатеринбургте өткен кездесуде беларусьтік Евгений Долголевцты (8-1, 4 КО) төрешілер шешімімен жеңген еді.
Жарнама