Бокстан Олимпиада чемпионы, қазір кәсіпқойда жүрген Данияр Елеусінов ресейліктер Артур Бетербиев (21-0, 20 КО) пен Дмитрий Бивол (23-1, 12 КО) жекпе-жегіне қатысты өз ойын айтты, деп жазады Meta-rating.kz.
"Тамаша жекпе-жекті тамашаладық. Ол мен ойлағандай толық 12 раунд өтті. Дима өз раундтарын таза алды және соққылары да дәлірек болды. Артур жеңген раундтарда Диманың басым түскен сәттер болды. Мұндай кезде мен 10:10 деп берер едім, бірақ төрешілер біреуін ғана таңдау керек болды. Соңғы чемпиондық раундтарды, әрине, Артур алды. Алайда әділіне келсек, мен жекпе-жекте екеуі тең түсті дейтін едім", - дейді Елеусінов.