"Боксерская ПРАВДА Pro" Youtube арнасының авторы Сауль "Канело" Альварестің (57-2-2, 39 КО) ресейлік Дмитрий Биволмен (20-0, 11 КО) айқасы алдындағы спаррингтері туралы пікір білдірді, деп хабарлайды Vesti.kz.
Мексикалықтың спарринг серіктерінің бірі Айдос Ербосынұлы (16-0, 11 КО) болды және залда өзге де қазақстандық боксшылар жаттыққан еді.
"Маған "Канело" қазақстандық жігіттермен спарринг өткізді ғой деп жазады, олар да Бивол сияқты қозғалады, бокс мектептері ұқсас деп. Мен ол спаррингтерді көрдім. Ол жерде жағдай басқашалау. Жылдамдық пен қозғалыс сипаты өзге. Сондықтан Альварес нақты Биволға дайын болмады. Саульдің командасы неге мұны есепке алмады, білмеймін, бұл бокс мектебіне лайықты бағасын бере алмаған болар. "Канело" мен оның бапкерлер штабы мұндай жігіттермен бетпе-бет келген емес, жекпе-жек тәжірибесі болмады. Спарингтер - ол басқа, салмағы бірдей жігіттер атақты боксшымен абайлап жұдырықтасқан шығар, ал алдыңда жартылай ауыр салмақтағы жеңемін деп шыққан жігітпен айқасу...", - дейді автор.