Қазақстандық боксшылар Жандос Қыдыралиев (6-0, 4 КО) пен Абылай Тұрапов (1-1, 0 КО) наурыз айының соңында кәсіпқой рингте өзара жекпе-жек өткізеді, деп хабарлайды Vesti.kz.
RD Promotion компаниясының мәліметінше, бокс кеші 28 наурыз күні Тараз қаласында өтеді. Жекпе-жек жеңіл салмақта ұйымдастырылып, алты раундқа жоспарланған.
Қыдыралиев үшін бұл кездесу кәсіпқорй рингке қайта оралу болмақ. Оның соңғы жекпе-жегі 2023 жылдың соңында өткен еді. Сол кезде ол қытайлық боксшы Гуанженг Луаньмен (18-9, 14 КО) жұдырықтасқан болатын. Кейін қазақстандық уақытша әуесқой боксқа оралып, ұлттық құрама сапында халықаралық турнирлерде өнер көрсетті.
Ал Тұрапов соңғы рет 2025 жылдың желтоқсанында рингке шыққан. Ол кезде отандасы Бекзат Мұсахан (2-1, 2 КО) қарсы жекпе-жекте төрешілердің бөлек шешімімен жеңіске жеткен еді.
Қазіргі таңда Жандос Қыдыралиевтің кәсіпқой бокстағы көрсеткіші — 6 жеңіс (4 нокаут) және бірде-бір жеңіліс жоқ. Ал Абылай Тұраповтың еншісінде бір жеңіс пен бір жеңіліс бар.
Жарнама