Бокстан Қазақстан құрамасының капитаны Асыланбек Шымбергенов Ханчжоуда өтіп жатқан Азия ойындары 1/2 финалындағы жекпе-жектен кейін мәлімдеме жасады, деп хабарлайды Vesti.kz.
71 келі салмақтағы жартылай финалда Шымбергенов күтпеген жерден жапониялық Севон Окадзаваға төрешілердің бөлек шешімімен (2:3) есе жіберді. Осылайша, Асыланбек Азиаданың қола жүлдегері атанды.
"Мен үшін Азия ойындары осымен аяқталды. Жанкүйер болып қолдағандарыңызға үлкен рахмет", - деп жазыпты боксшы Instagram желісінде.